ગોપાલ મારો પારણિયે ઝુલે રે
ઝુલાવે ગોકુળની ગોપી રે
-- ગોપાલ
મારો ગોપાલ તને રમકડા આલુ રે
ગોપલ તને માખણિયું ભાવે રે
ગોપાલ મારો બોલે કાલુ કાલુ રે
-- ગોપાલ મારો
ગોપાલ તને ઝાંઝરિયું પહેરાવું
કે નાના નાના ડગરિયા રે ભરાવું
ગોપાલ તને આંગણિયામાં નચાવું
-- ગોપાલ મારો
ગોપાલ તને ચાંદની રાત રમાડે
કે હાથમાં ઘૂઘરડો રે વગાડે
પરોઢિયે આવીને રે જગાડે
--ગોપાલ મારો
ગોપાલ તને મોરપિચ્છ મુકુટ પહેરાવુ
ને તારી કેડે કંદોરો પહેરાવું
ગોપાલ તને સોના પારણિયે ઝુલાવું
--- ગોપાલ મારો
જય શ્રીકૃષ્ણ
No comments:
Post a Comment